Bhajan No. 6117 | Date: 05-Jul-20242024-07-052024-07-05સમર્પણ કરતા કરતા, અટકી જવાય છેDr. Hira/bhajan/?title=samarpana-karata-karata-ataki-javaya-chheસમર્પણ કરતા કરતા, અટકી જવાય છે

પ્રેમભાવમાં તણાતા તણાતા, થંભી જવાય છે

ઓ પ્રભુ, તારી પાસે આવતા આવતા રોકાઈ જવાય છે

પોતાની જાતને ભુલવાથી ડરી જવાય છે

ખાલી તારા વિચારોમાં ખોવાતા ખોવાતા, અટકી જવાય છે

આવી મારી અવસ્થા, મારી જાતમાં જ ફસાઈ જવાય છે

તારામાં એક થવામાં, અહંકાર વચ્ચે આવી જાય છે

ચકડ઼ોળની જેમ મારી અવસ્થા થઈ જાય છે

ઓ પ્રભુ, આમાંથી તું જ બહાર કાઢી શકે છે

આ પ્રાર્થના છે મારી તને, મારાથી મુજને તું જ બચાવી શકે છે

તારામાં એક, તું જ મને કરી શકે છે, મારા ‘હું’ ની હસ્તી, તું જ મિટાવી શકે છે

સમર્પણ કરતા કરતા, અટકી જવાય છે