Bhajan No. 5575 | Date: 20-Dec-20152015-12-202015-12-20જ્યાં જોઉં ત્યાં તું વસે, અંતરના ઊંડાણમાં તું વસે;Dr. Hira/bhajan/?title=jyam-joum-tyam-tum-vase-antarana-undanamam-tum-vaseજ્યાં જોઉં ત્યાં તું વસે, અંતરના ઊંડાણમાં તું વસે;

જ્યાં બોલું ત્યાં તું બોલે, અંતર આપણું તો કાયમ મટે;

દુનિયાના શોરમાં શાંતિ મળે, ભૂલો બધા માફ કરે;

જિજ્ઞાસા મારી સમાપ્ત થાય, જ્યાં હું અને તું ખતમ થાય.

અવસ્થા શું છે એ સમજાતું નથી, વૈરાગ્ય શું એ ખબર નથી;

ન કોઈ મારું લાગે, ન કોઈ પરાયું લાગે, બધે શિવ લાગે.

જીવનની ચાલ ચાલતી રહે, જીવનમાં એક નવો સાથી મળે;

શિવ વિના આ જીવન અધૂરું, શિવ વિના આ પ્રેમ અધૂરો;

શિવશાંતિ જ્યાં મનને લાગે, ત્યાં જ તો દિલ દોડી ઊઠે;

શિવ મારી અંદર વસે, શિવ જ તો બધે વસે.

જ્યાં જોઉં ત્યાં તું વસે, અંતરના ઊંડાણમાં તું વસે;