Bhajan No. 5375 | Date: 23-Apr-20172017-04-232017-04-23દિવ્યતા અનુભવાતી નથી, શક્તિ સમજાતી નથી;Dr. Hira/bhajan/?title=divyata-anubhavati-nathi-shakti-samajati-nathiદિવ્યતા અનુભવાતી નથી, શક્તિ સમજાતી નથી;

પ્રભુ તારી એકરૂપતા, મનથી તો મને ભુલાતી નથી.

વિચારો શૂન્ય થાતા નથી, કાર્ય બધા થાતા નથી;

પ્રભુ તારા આધારે જીવન મારું જીવાતું નથી.

સતત તારો અનુભવ થાતો નથી, પ્રભુ તારાથી દૂર રહેવાતું નથી;

સુકૂન દિલમાં થતા નથી, આ અવસ્થા સમજાતી નથી.

સંપૂર્ણતા અહેસાસ આપતો નથી, સમાપ્તિ દેખાતી નથી;

પ્રભુ તારી ચેતના મને મળે છે, પણ સમયથી પરે જવાતું નથી.

બધે જ પ્રભુ દેખાતો નથી, ચેન હૈયામાં ટકતું નથી;

તારા દર્શન સાક્ષાત થાતા નથી, અંતરમાં તું હરપળ દેખાતો નથી.

મનને અનુભવ મળતો નથી, દિલને અહેસાસ થાતો નથી;

પ્રભુ મારી અવસ્થા, તારાથી છૂપી રખાતી નથી.

દિવ્યતા અનુભવાતી નથી, શક્તિ સમજાતી નથી;