Bhajan No. 5543 | Date: 21-Mar-20182018-03-212018-03-21અંતિમ સમયની ઈચ્છા સહુ કોઈની અલગ અલગ હોય છે;Dr. Hira/bhajan/?title=antima-samayani-ichchha-sahu-koini-alaga-alaga-hoya-chheઅંતિમ સમયની ઈચ્છા સહુ કોઈની અલગ અલગ હોય છે;

કોઈ માગે પ્રભુનો સાથ, તો કોઈ માગે પીડાથી છુટકારાનો શ્વાસ;

કોઈ માગે નવા જન્મમાં સમૃદ્ધિ, તો કોઈ માગે જીવનની તૃપ્તિ;

કોઈ માગે ઇચ્છાઓની શાંતિ, તો કોઈ માગે ધનદૌલતની વૃદ્ધિ;

કોઈ માગે રાગદ્વેષથી મુક્તિ, તો કોઈ માગે બીજાને સજાની યુક્તિ;

કોઈ માગે સગાસંબંધીનો સાથ, તો કોઈ માગે વૈરાગ્યનો પાઠ;

કોઈ માગે દિવ્ય અનુભવનો સ્વાદ, તો કોઈ માગે સ્વાદિષ્ટ ભોજનનો આભાસ;

કોઈ માગે પ્રેમમાં જીત, તો કોઈ માગે જીદ ને પૂર્ણતાની પ્રીત;

કોઈ માગે સફળતાના પ્રાણ, તો કોઈ માગે અસફળતા નિર્જીવમાં પ્રાણ;

કોઈ માગે શક્તિ તો કોઈ માગે ભક્તિ, કોઈક જ તો માગે સાચી મુક્તિ.

અંતિમ સમયની ઈચ્છા સહુ કોઈની અલગ અલગ હોય છે;