Bhajan No. 5643 | Date: 18-Apr-20162016-04-182016-04-18અજાગૃતિમાં જે વર્તન થાય, એને તો માફ કરીને આગળ વધાય;Dr. Hira/bhajan/?title=ajagritimam-je-vartana-thaya-ene-to-mapha-karine-agala-vadhayaઅજાગૃતિમાં જે વર્તન થાય, એને તો માફ કરીને આગળ વધાય;

વારંવાર જે વર્તન થાય, એને તો ભૂલ ગણી શિક્ષા થાય.

જાગૃતિમાં જે વર્તન થાય, એને તો જુલમ ગણી દંડ થાય;

મન વિચલિત જેનું હરદમ થાય, એને તો કંઈ જ ના સમજાય.

દુવિધા બીજાના મનમાં જે નાખે, એને તો કસૂરવાર ગણાય;

દુવિધામાં જે ભટકી જાય, એને ક્યારેય પોતાનો ન સમઝાય.

અણસાર પ્રભુના જે ભૂલી જાય, એ તો પ્રભુને પણ ભૂલી જાય;

પ્રભુના ન્યાયને જે અન્યાય ગણે, એ તો અહંમાં ખોવાઈ જાય.

મુશ્કેલીમાં જે હાથ ફેરવે, એ તો અનાર્ય વર્તન કરી જાય;

મોક્ષની તલાશમાં જે નીકળે, એ તો પોતાની જાતને જ ભૂલી જાય.

અજાગૃતિમાં જે વર્તન થાય, એને તો માફ કરીને આગળ વધાય;