Bhajan No. 5166 | Date: 19-Mar-20172017-03-192017-03-19અધીરતાની અધીરતામાં જે રહે, એ બધું ગુમાવેDr. Hira/bhajan/?title=adhiratani-adhiratamam-je-rahe-e-badhum-gumaveઅધીરતાની અધીરતામાં જે રહે, એ બધું ગુમાવે

ધીરજના જોરમાં જે વહે, એ તો પ્રભુને પામે

ફરિયાદની ફરિયાદમાં જે બોલે, એ અસંતુષ્ટ રહે

યાદના સંવાદમાં જે વહે, એ તો પ્રભુની યાદમાં રહે

ચંચળતાના આંચળને પકડે, એને તો નવું નવું જોઈએ

પ્રેમના જોરમાં જે રમે, એનું મન તો ત્યાં જ રમે

વેરના ક્રોધમાં જે ભૂલે, એ તો પોતાનું ભાન ભૂલે

વિવેકના તારમાં જે ચાલે, એ તો જીવનને સુધારે છે

પ્રભુની બંદગીમાં જે રહે, એ તો એના જેવો બને

હૈયામાં જે એને વસાવે, એને તો એ સાથ સદૈવ આપે છે.



અધીરતાની અધીરતામાં જે રહે, એ બધું ગુમાવે