Bhajan No. 5354 | Date: 17-Dec-20142014-12-172014-12-17વરસો વરસો મેઘરાજા તમે, તમારી કૃપા તમે વરસાવો;Dr. Hira/bhajan/?title=varaso-varaso-megharaja-tame-tamari-kripa-tame-varasavoવરસો વરસો મેઘરાજા તમે, તમારી કૃપા તમે વરસાવો;

લહેરો આનંદની આપો તમે, તરંગો ખુશીના આપો;

ભૂખ-પ્યાસ મિટાવો અમારી, આ ધરતીને હવે નવડાવો;

શાંત કરો અમારા મનના ઉછાળા, પ્રભુનો અમીરસ વરસાવો;

સૌંદર્ય પ્રકૃતિનું વધારો, પ્રકૃતિને નવો જન્મ આપો;

જલતી જ્વાળા વિચારોની અમારા, શાંત પ્રભુમાં હવે કરાવો;

ઝરમર ઝરમર વરસાદથી અમને તો ભીંજવો, પ્રભુમિલનની પ્યાસ તો બુઝાવો;

આંસુ અમારાં તમે તો લૂછો, નવી ધારા તમે બનાવો;

આશરો પ્રભુનો લેવો છે અમને, ધરતીને સુગંધિત બનાવો;

તડપ અમારી તમે બુઝાવો, પ્રભુના પ્રેમમાં અમને ખિલાવો.

વરસો વરસો મેઘરાજા તમે, તમારી કૃપા તમે વરસાવો;