તારા ચરણ સિવાય, બીજે ક્યાંય શાંતિ નથી
તારા વિચાર સિવાય, બીજે ક્યાંય આનંદ નથી
તારી યાદ સિવાય, બીજી કોઈ યાદમાં મજા નથી
તારી મસ્તી સિવાય, બીજી કોઈ મસ્તી પસંદ નથી
તારી વાણી સિવાય, બીજી કોઈ વાણી ગમતી નથી
તારા પ્રેમ સિવાય, બીજા પ્રેમ સાચા લાગતા નથી
તારી અનુભૂતિ સિવાય, બીજું બધું માયાના ભ્રમ સિવાય લાગતું નથી
તારી હસ્તી સિવાય, બીજી કોઈ હસ્તી ખપતી નથી
તારી ઓળખાણ સિવાય, બીજી કોઈ પહેચાન ગમતી નથી
આ કેવી અવસ્થા છે, કે તારા સિવાય બીજું કાંઈ સૂઝતું નથી
- ડો. હીરા