Bhajan No. 6169 | Date: 15-Sep-20242024-09-152024-09-15શિવની વાણી સમજાતી નથી, સીધી અંતરમાં ઉતરે છેDr. Hira/bhajan/?title=shivani-vani-samajati-nathi-sidhi-antaramam-utare-chheશિવની વાણી સમજાતી નથી, સીધી અંતરમાં ઉતરે છે

શિવના દર્શન થાતા નથી, સતત એનામાં રહીએ છીએ

શિવની કૃપા સમજાતી નથી, હર પળ એની કૃપા વરસે છે

શિવનો પ્રેમ દેખાતો નથી, એના પ્રેમમાં જ તો હસીએ છે

શિવની ઓળખાણ ખબર નથી, એના જ કારનામા જોઈએ છીએ

શિવના ગુણગાન ગવાતા નથી, એની જ તો મહેફિલ સજે છે

શિવની મહિમા ઓળખાતી નથી, એની સૃષ્ટિમાં જ તો રહીએ છીએ

શિવના આવકાર સમજાતા નથી, એના વગર ના જીવી શકીએ છીએ

શિવની આરાધના આવડતી નથી, છતાં એના પ્રેમમાં ડૂબીએ છીએ

શિવનું મિલન ચાહ્યા વગર રહેતા નથી, શિવ મિલનની આશમાં તો જીવીએ છીએ

શિવની વાણી સમજાતી નથી, સીધી અંતરમાં ઉતરે છે