પ્રભુ, તારો સાથ મળે, તો પછી બીજું શું જોઈએ
પ્રભુ, તારા પ્રેમમાં ડૂબીએ, તો પછી બીજું શું જોઈએ
પ્રભુ, તારા ચરણમાં વસીએ, તો પછી બીજું શું જોઈએ
પ્રભુ, તારા નામનો રણકાર સાંભળીએ, તો બીજું શું જોઈએ
પ્રભુ, તારામાં સતત રહીએ, તો પછી બીજું શું જોઈએ
પ્રભુ, તારામાં જ જીવન વીતે, તો પછી બીજું શું જોઈએ
પ્રભુ, તને કણ-કણમાં નિહાળીએ, તો પછી બીજું શું જોઈએ
પ્રભુ, તારી સંગ રહીએ, તો પછી બીજું શું જોઈએ
પ્રભુ, તારા દર્શન સતત થાય, તો પછી બીજું શું જોઈએ
પ્રભુ, તારા-મારાના અંતર ખતમ થાય, તો પછી બીજું શું જોઈએ
- ડો. હીરા