Bhajan No. 6159 | Date: 04-Sep-20242024-09-042024-09-04મસ્તીના રંગમાં રંગાવા દેDr. Hira/bhajan/?title=mastina-rangamam-rangava-deમસ્તીના રંગમાં રંગાવા દે

તારા પ્રેમના સાગરમાં ડૂબવા દે

અંતરના આંગણામાં ઝૂમવા દે

હે પ્રભુ, તારી ઓળખાણમાં સમાવા દે

શાંતિના પાઠ કરવા દે

તાર વિશ્વાસના સહારે ચાલવા દે

રોમેરોમમાં તને જાણવા દે

હર ઈચ્છામાં તને સમાવા દે

છબી તારી, દિલમાં વસાવવા દે

હર બંઘન જીવનના તોડવા દે

સંકુચિત મનને છોડવા દે

તારા વિશાળ હૃદયમાં ઉતરવા દે

આંખોથી તને નિરખવા દે

ગુપચુપ વાતોથી તને સાંભળવા દે

અનોખી દુનિયામાં રમવા દે

પ્રભુ, તારા પ્રેમમાં શરીરભાન ભૂલવા દે

મસ્તીના રંગમાં રંગાવા દે