ફરજ મારી બીજી કોઈ નથી, તારું કાર્ય એ જ તો ફરજ છે
કરજ મારું કાંઈ નથી, કર્મોની સંખ્યા તો ખતમ છે
વિચારો મારા કાંઈ નથી, નિતનવા વિચાર તો તારા છે
પરમ શાંતિ બીજી કોઈ નથી, તારી જ છબી દિલમાં છે
હૈયું કાંઈ નારાજ નથી, તારો આભાસ તો સતત છે
મેહફીલ કાંઈ દૂર નથી, તારી જ મહેફિલમાં તો શામિલ છે
પરમજ્ઞાન બીજું કાંઈ નથી, તારી જ શાનમાં આરામ છે
વૈષ્ણવ બીજો કોઈ નથી, તારા જેવું બનવું એ જ હકીકત છે
શરણાગતી બીજી કોઈ નથી, તારા જ નામમાં એ જાગૃત છે
ધ્યાનધર્મ બીજા કોઈ નથી, તારા કહ્યા પર ચાલવું એ જ કર્મ છે
- ડો. હીરા
pharaja mārī bījī kōī nathī, tāruṁ kārya ē ja tō pharaja chē
karaja māruṁ kāṁī nathī, karmōnī saṁkhyā tō khatama chē
vicārō mārā kāṁī nathī, nitanavā vicāra tō tārā chē
parama śāṁti bījī kōī nathī, tārī ja chabī dilamāṁ chē
haiyuṁ kāṁī nārāja nathī, tārō ābhāsa tō satata chē
mēhaphīla kāṁī dūra nathī, tārī ja mahēphilamāṁ tō śāmila chē
paramajñāna bījuṁ kāṁī nathī, tārī ja śānamāṁ ārāma chē
vaiṣṇava bījō kōī nathī, tārā jēvuṁ banavuṁ ē ja hakīkata chē
śaraṇāgatī bījī kōī nathī, tārā ja nāmamāṁ ē jāgr̥ta chē
dhyānadharma bījā kōī nathī, tārā kahyā para cālavuṁ ē ja karma chē
|
|