Bhajan No. 5592 | Date: 26-Jan-20162016-01-262016-01-26મનુષ્યદેહ જ્યાં હજી મળ્યો નથી, કે બેકાબૂ મન ઊછળે છે;Dr. Hira/bhajan/?title=manushyadeha-jyam-haji-malyo-nathi-ke-bekabu-mana-uchhale-chheમનુષ્યદેહ જ્યાં હજી મળ્યો નથી, કે બેકાબૂ મન ઊછળે છે;

સૌંદર્ય હજી જ્યાં જોયું નથી, ત્યાં એને પામવાની દોડ લાગે છે;

ઇચ્છા હજી એક પૂરી થઈ નથી, ત્યાં હજારો ઇચ્છા જાગે છે;

સફળતા હજી જ્યાં મળી નથી, ત્યાં અહં અંધકાર બને છે;

મનમાં હજી પ્રભુ વસ્યા નથી, ત્યાં એને નાચ નચાવવાની તૈયારી કરીએ છીએ;

સમજણ હજી જ્યાં મળી નથી, ત્યાં પોતાની સોચને સાચી ગણીએ છીએ;

આ છે અસુરોની સંખ્યા આપણી અંદર, નાશ કરવા ઇચ્છીએ છીએ.

ચંડીનું આહવાન કર્યા વિના, ના એમનો કંઈ નાશ થાય છે;

રક્તબીજ, મહિષાસુર, ધૂમ્રલોચન, શુંભ-નિશુંભ, મધુ કૈટબની, આ સેના છે;

શરણ પ્રભુનું લીધા વિના, ના એમનો કંઈ અંત થાય છે.

ભજો સર્વે પ્રભુને, પછી સમર્પણ કરો એમને, ત્યારે જ્ઞાનની ગંગા વહે છે;

ઉમ્મીદના કિરણો મળે છે, સહુને માર્ગદર્શન મળે છે;

ગીતાનો સાર, બાઇબલ નો ઉપદેશ, પ્રભુની વાણી મળે છે;

ગ્રંથસાહેબ અને ગ્રંથ ભજનાવલિ મળે છે, અંતનો અનુભવ મળે છે;

ચરણમાં ચેન મળે છે, ઇચ્છા પર કાબૂ મળે છે, એકરૂપતા મળે છે.

મનુષ્યદેહ જ્યાં હજી મળ્યો નથી, કે બેકાબૂ મન ઊછળે છે;